قلم الإرادة

بوتمبة .. خارج منطقة التغطية

طلع بوتمبه من الاجتماع وإلى الآن لم يستوعب الصدمة إللي سمعها !!
يمشي باتجاه سيارته و الدنيا تفر فيه !
أنا حلمان !
إيي إيي أكيد حلمان

اللي سمعته صج !
هذي البنت ما يطلع منها هالكلام!
الدنيا لين الحين بخير
الناس ما يحكمون علي من شكلي ..

و تستمر حاله الصدمه مع بوتمبه الى ان وصل سيارته ، وعند ركوبه السيارة اذ بدموعه أربع أربع !
أي نعم يا جماعه بوتمبه قاعد يبجي حاله حال الطفل
هذا الإنسان المتين الضخم إللي الناس يتصورونه كتلة من الشحم تمشي .. طلع قلبه قلب طفل
يبجي و يبجي و يبجي !
صيح يا بوتمبه و برد على قلبك المسكين ..
إيي الناس ترى تحكم على الشخص من شكله مو من أخلاقه و قلبه
صيح يا بوتمبه و برد على قلبك المسكين
البنت ما عرفت أخلاقك و قلبك و منو انت
صيح يا بتمبه و برد على قلبك المسكين
دام الناس الى الان عليها من الظاهر !

الله ستر على بوتمبه و سهل عليه و قدر يوصل البيت بعد الصدمه إلي صارت له اليوم
يدخل بوتمبة غرفته ويرمي نفسه على السرير ليدخل بنوم عميق

يسمع صياح أمه
يسمع صراخ أخوه
يسمع أخته تصيح و تكلم الإسعاف !!

شنو ! شصاير ؟ شفيكم ؟؟

فجأة انقطع الاتصال ولا حس بشي بوتمبه بس يسمع أصوات بدون لا يقدر يتحرك أو يسوي شيء ..

بوتمبه دش بغيبوبه !!

سببها ارتفاع حاد بضغط الدم و انفجار أحد الشرايين

استمرت الغيبوبة فتره
و صحى بوتمبه من غيبوبته بعد مرور أسبوعين لايعلم اين هو ولا ما جرى له
يفتح عينه يشتم ريحة الطيب واذ بوالدته جالسة قربه تقرأ عليه القران ..
فرحت الأم و وصل الدكتور و لله الحمد بوتمبه افاق من غيبوبته ..
الدكتور : يجب على بوتمبة الراحة قليلا بالمستشفي لاجراء بعض الفحوصات والاطمئنان على حالته الصحية
بعد مرور فترة الراحة التي اوصى بها الدكتور الحمد لله بوتمبة قدر يقوم و يمشي على ريله
طل بوتمبة بالممر و يشوف الطابور الطويل من بوكيهات الورد من الاصدقاء ف أخذ الكروت وقرأ كرت كرت

إلى إن لفت انتباهه كرت غريب
فتح الكرت و قرأ الجمله التاليه :
صحيح أني ما أعرفك شخصيا أو تعاملت وياك تعامل مباشر ولكن مادري ليش حسيت أني أنا السبب في دخولك ألمستشفى “

ما تشوف شر و عسى يقومك بالسلامه

” ( شيخه )