بوتمبة .. نقطة نظام

قبل استكمال ماتوقفنا عنده والبدء في الاجتماع و نقطة النظام التي غيرت حياة بوتمبه .. بقولكم منو اهيه البنية ..   
 
صديقنا بوتمبه كان أهم شيء عنده بالكلية محاضراته والقائمة فما كان تفكيره صوب البنات أو أي شيء من ميول بعض الشباب بالكلية من مغازل و استعراض وغيره ، بس يوم شاف البنت هذي ومرت عليه فجأة تغيرت كل المعايير و المقاييس عنده وتغير كل شي ، ايقظ لديه إحساس الحب .. الإعجاب .. التناحه  ..

المهم .. بوتمبه كان يراقب البنت كل يوم و تقريبا عرف جدولها و سيارتها و رفيجاتها ..    
يمكن تستغربون شلون عرف كل هذا و أهو ملتزم بدوامه و بكل محاضراته ؟؟  بوتمبه عقب ما شافها تغير وايد وقام ” يسحب ” على محاضراته كلها عشان البنت هذي ..

 اوو صح نسيت أقولكم .. اسم البنت ” شيخة ” ، بوتمبه كانت نيته واضحة و هدفه واحد ، كان يلحق و يتابع البنت و يسأل عنها لهدف ” الزواج” فقط لا غير .. ماعنده خرابيط  ولا شيء .. الولد محترم  ، بعد ما تأكد من كل شيء و عرف البنت عدل تحمس أكثر وأكثر أنّ يخطو الخطوه إللي وراها و يفكر يكلم أهله أنّ يتقدم لها ويطلب ايدها من أهلها ..

 الطامه الكبري اللي غيّرت مجرى حياة بوتمبه ” الاجتماع ” ..   
 
نرجع للاجتماع وللي كسر قلب بوتمبه و تقريبا كسر شخصيه بوتمبه ..

إذا تذكرون بالاجتماع وصلوا حق موضوع ترشيح بوتمبه للمنصب الجديد ، المنصب هو ممثل للقائمة في جميع إلاحتفالات و الاجتماعات والندوات خارج الجامعة و تتطلب شخص فاهم ، مثقف ،واعي ومتحدث ليكون كفء وعلى قدر المسؤولية ..

بالاجتماع .. تقف ” شيخة ” ممثلة العاملات في القائمة  قائلة ” نقطه نظام ”  ! .. هذا الكلام اللي قالته شيخة بالحرف واللي كان عبارة عن سكاكين تطعن قلب بوتمبه ..    

 ممثلة عن العاملات في القائمة أود ان أقول : نعم كلنا يعرف منو ” بوتمبة ” ونعلم أخلاقه وحماسه في القائمة والكل يشهد له بذلك ولكن ..   

شكله غير مقبول ونرفض ترشيحه لهذا المنصب !!    

تم ايقاف الاجتماع 10 دقائق من قبل رئيس القائمة ليجتمع مع العاملات ، بوتمبه مسك أوراقه وشوي شوي قام من مكانه متجها لخارج غرفة الاجتماع  وعيونه ” تغورق ” وخانقته العبرة ..   

إي راحت أحلام بوتمبه ..  

 أي راحت الأحاسيس الجميلة ..   

أي راح كل شيء كان مخطط له ..  

الشباب ينادونه .. تعال وين رايح ؟؟   

وفقد الشعور والاحساس بكل شي حوله .. و ركب سيارته بوتمبه و توجه ل   

انتظروا التكملة ..

حصة بدر العبيدان ـ كاتبة في صحيفة الإرادة الإلكترونية  

Twitter: @9oooo9a