أجاذبك الهوى ـ خالد الفيصل

أجاذبك الهوى واطرب واغنّي

وابادلك الغـرام بكـلّ فنّـي

 

واشاهد صنعة الله في جمالـك

وحكم الـذي فيـك امتحنّـي

 

واشوف الودّ فعيونك ولكـن

يرد الودّ خـوفٍ فيـك منّـي

 

ولا أدري وش يخيفك يا حبيبي؟

وانا بك مغرمٍ جـاك امتعنّـي

 

ولو انك تلاحظ شفـت عينـي

وهي تروي حديث الحبّ عنّي

 

تنعّـم دام تـوّك فـي شبابـك

ليالي العمر مـا قـطّ أمهلنّـي

 

تعال اسقيك من جدول غرامـي

شـرابٍ فيـه للعاشـق تهنّـي

 

واهيم بكل سمـاوات المحبّـه

إلين انّـك بعـد مثلـي تغنّـي

 

**

 

خالد الفيصل