أدبيات
استكثرك! ـ خالد الفيصل
استكثرك وقتي على وغدا بك
عادة زماني كل ما طاب هون
ليت الذي وداك يا زين جابك
تشوف عقبك كيف الأيام سون!
شرق مشيت وغرب وقتي مشابك
والقلب ماله لايمٍ فيك لو ون ..!
عقب الهنا بك ذاق لوعة عذابك
تلـونت دنيـاه ولا تلـون ..!
طويتني طي الورق في كتابك
حتى معاليق الحشى لك تطون
اشتقت لايام الهوى في جنابك
يوم الشموع بليل الاحباب ضون
واشتقت اقول لهاتفك مرحبا بك
واشتقت لغيوم الصحارى تكون
عود ترى داع الهوى عند بابك
واروي القلوب اللي بعد ما تروّن
غنيت لك عمري ولاجا جوابك
واسمي مع مجنون ليلى تدون!
**
خالد الفيصل
